deep tamil tamil kavithaigal
கவிதை காதல்

நீயே என் ஓளடதம்!!

எனக்கான உன் நினைவுகள்;
வேதாளம் போல முதுகு மீதேறி
அமர்ந்து இறங்க மறுக்கின்றன…!

நினைத்து புதைந்து போவதற்கான
வரிகள்… எழுத்துக்கள்,
லாவகமாக விரல் பிடித்து
மார்பின் மீது தலை வைத்து
சில்லென்ற ஸ்பரிசம் தொடுக்கின்றன…!!

கண்ணீர் துளிகள்…பெருமூச்சுகள்,
வாழாத வாழ்க்கையின் தேடல்கள்;
யாருமற்ற தனிமையின் உணர்வுகள்;
எல்லாவற்றிலும் எனதாகிப்போனவனே
தூரத்தில் நின்று ஏன்
வேடிக்கை பார்க்கிறாய்…?!

என் பொழுதுகளை
ஆக்கிரமித்துக் கொள்ளும்,
மறந்திருந்த…மறைந்திருந்த
உணர்வின் நினைவுகளை
தட்டி எழுப்பும்… நீ
நீயே என் ஓளடதம்!!!


யார் இந்த எழுத்தாளர்

உஷா பாரதி

உஷா பாரதி

ஜனசக்தி, குங்குமம், சன் டிவி போன்ற அச்சு, காட்சி, இணைய ஊடகங்களில் பணிபுரிந்திருக்கிறார். மொழிபெயர்ப்பாளர். எந்த சட்டகத்துக்குள்ளும், வரையறைக்குள்ளும் தன்னை பொருத்திக்கொள்ளாத ராஜாளி…தனக்கான தேடலில் பயணிக்கும் மனிதநேயமிக்க பெண்ணிய சிந்தைனையாளர்.

Latest Posts

உங்கள் படைப்புகளை அனுப்ப